ناصر الفراعنة وقصيدتة التي جننت العام

مرآحب ..

نـآصر الفرآعنه ,, أغلبكم يـ ع ـرفه و اللي مآ يـ ع ـرفه اكيد هالأيآم سمـع به ..

المهم جبت لكم قصيدته اللي في شآعر المليون اللي جنّـنت الـ ع ـآلم ..

طبـ ع ـآ جبت لكم القصيدهـ كآمله ..

انصـ ح ـكم تسمـ ع ـونهـآ قبل مآتقرونهـآ ..

اخلّيــكم مـع القصيدهـ بـ ع ـدين المقطع ..

ناقتي يا ناقتي لا رباع ولا سديس .. وصليني لابتي من ورى هاك الطعوس
حايلـ(ـن) رابع سنه من خيار العيس عيس .. خفها لا درهمت كنه بالنار محسوس
في دجى خالي خلا لا حسيس ولا نسيس .. تدوخك من شدة البرد طقطقة الضروس
في عيوني يكفخ الطير ويطيح الفريس .. وانتهض جساس من دون خالته البسوس
وفي خفوقي فرخ جنيتـ(ـن) يضرس ضريس يوم اوردها هجوسـ(ـن) واصدرها هجوس
ديرتي دار ابن ضاري وابن غثلم جريس .. ديرة اللي دوجو في فيافي نجد جوس
ديرتي يا بنت شيخـ(ن) ومعدنها نفيس .. عيطموسـ(ـن) دونها دثرتني عيطموس
جادلـ(ـن) مطرق جسدها مع الغربي يميس طينتـ(ـن) من تربه الخلد والدم محموس
نقشت خمسـ(ـن) من الخمس في يوم الخميس .. ليت شعري ما ارادت بهذا نوس
كم تمنى امعه مثلها فتنه ابليس .. كان يمكن قد قلب نصف امتنا مجوس
كن دماث الصدر منها كنيسه او كنيس .. صومعة رهبان دينـ(ـن) يؤدون الطقوس
آتقوس مع تقوس نواهدها واقيس .. قبتينـ(ـن) قاب قوسين قوسـ(ـن) جنب قوس
خصرها يحكي لنا واقع القوم التعيس .. وردفها عن غطرسة بوش يعطينا دروس
وبالرغم من قصرها ما يجالسها جليس .. تصبح اطول نسوه الارض في وضع الجلوس
العروسه ماتبي غير ابو تركي عريس .. العروسه نجد ماهي بحيا الله عروس
نجد بنت المجد ونسة مونسة الونيس .. ما عسفها الا معزي ضحى يوم العبوس
كل اهل نجد(ن) هلي من آجا حتى الخميس .. في ذراهم بلتجي عن مقففة الرسوس
وعيشتي ما بين اسود(ن) ولا ماني رئيس .. خير من كوني رئيسـ(ـن) على شلقه تيوس
وليس عيب ان خدعني بمكره كل هيس .. لأن ما يفهم بطبع الهيوس الا الهيوس
مصطفى في مأدبه عمه البابا لويس .. كبر اللقمه تحت ضوء حمراء الكؤوس
وطسم حدتها على حائط المبكى جديس .. يوم شقت ثوبها بنت عفار الشموس
سيده هاك القصر اسمها الاول لميس .. دونها سمر الحناجر بترها حد موس
قسقست لأحرارهم قيس قيس قيس قيس .. والبستهم من مهانتهم انواع اللبوس
بين خدعه كعب أخيلـ(ـن) ومولد ادوريس .. درسونا الاله والمدرس هو مروس
ويش لاقو من قناه السويس اهل السويس .. وويش لاقو من تلمسان قوم منسنوس
كلهم من شدة الجوع راحو خندريس .. بين غيبوبه مخدر وصحوه عرق سوس
ثورتـ(ـن) راحو سببها بتوع الاوتوبيس .. وش نبي فيها وهي ما تهز الا الغروس
آفه المرء اثنتان .. إلف كاس وحب كيس .. والنفوس اليا بغيت تعرفها ارم الفلوس
ينكشف زيف الشعارات لا حمي الوطيس .. ترجع الاذناب اذناب وتبقى الرؤوس رؤوس
صدق لا قال العرب ما يحوص الا الخسيس .. ولا يوطي الرؤوس شي مثل ضعف النفوس
ناقتي يا ناقتي لا رباع ولا سديس .. وصليني لابتي من ورى هاك الطعوس